المقال ده هيساعدك تعرفي بالظبط إيه اللي المفروض تدوري عليه قبل ما تتفقي على أي عقد.
اولا: حددي هدفك الأول بوضوح
قبل ما تتكلمي مع أي وكالة تسويق، لازم تعرفي أنتي عايزة إيه بالظبط. عايزة تبيعي أكتر؟ تبني براند معروف؟ توصلي لناس جديدة؟
💡 سؤال مهم لازم تاسأليه لنفسك لو الوكالة نجحت في شغلها، إيه أول حاجة هتتغير في مشروعك؟
ثانيا : شوفي شغلهم قبل أي حاجة
البورتفوليو بيقول أكتر من الكلام. دوري على كلايانتس زي مشروعك أو في نفس مجالك — شوفي نتايجهم الحقيقية مش بس التصاميم الحلوة.
⭐
فيه ريفيوهات من عملاء حقيقيين؟
📈
بيشاركوا نتايج حقيقية (أرقام، نسب نمو)؟
🤝
عندهم كلايانتس في مجالك؟
👁️
شغلهم على السوشيال ميديا منتظم ومحترم؟
الوكالة الشاطرة مش هتخاف من أسئلتك — بالعكس هتجاوب بوضوح وبدون ما تلف وتدور.
📌 أسئلة مهمة تسأليها : مين الشخص اللي هيشتغل على الاكونت بتاعي؟ — إيه المدة اللي
هشوف فيها نتايج؟ — إيه اللي هيحصل لو مش عجباني النتايج؟
بالنسبة للسعر : قارني السعر بالقيمة مش بالرخص
الوكالة الرخيصة مش دايما الأوفر. لو الوكالة هتاخد ٣٠٠٠ جنيه بس مش هتحقق نتايج، وفيه وكالة بـ٨٠٠٠ هتجيبلك مبيعات أكتر — يبقي تشوفي الحسبة بتقول إيه؟
💯 المصدقة : كتير من الوكالات بتبيع لك مدى سهولة وروعة خدماتها، وتوعدك أنها هتديكي نتائج خرافية
دي اشارة حمرا🚩
تأكد ي أنهم بكذبوا عليكي أحيانًا.(متشتريش الوهم )
⚠️ انتبهي أي وكالة بتضمن نتايج في أسبوعين أو بتقولك "هنجيبلك ١٠ آلاف فولوير في شهر" — ده كمان اشارة 🚩
4️⃣ تأكدي من التواصل والوضوح
علاقتك مع وكالة التسويق زي أي علاقة تانية — لازم يكون فيه تواصل واضح ومنتظم. اسأليهم من الأول: هيبعتوا ريبورتات إمتى؟ هيكونوا متاحين إزاي؟
🎖️مهم جدا يكونوا :
✓ بيردوا على رسايلك بسرعة؟
✓ بيشرحولك بأسلوب مفهوم مش فني معقد؟
✓ بيقولوا "مش عارفين" لو معندهمش المعلومة — بدل الكلام الفاضي؟
✨ الخلاصة
الوكالة الصح مش اللي عندها أحلى بريزنتيشن — دي اللي بتفهم مشروعك، بتكون صريحة معاك، وبتشتغل على نتايج حقيقية مش كلام.
خدي وقتك، اتكلمي مع أكتر من وكالة، وماتقبليش تنازلي عن حقك في الوضوح والشفافية من اليوم الأول.
"لو احتجتِ يوم تستشيري حد متخصص في خطوتك الجاية — إحنا هنا 💛"